لافت نظري التفوق الواضح لصالح الكرة الاوروبية علينا
و طبعا احنا منلعبش كورة و كلكم بتابعوا دوري الابطال الاوروبي و شفتوا مثلا مبارة البارسا و الانتر
و الحمد لله اننا لسه بنشوف دورينا اصلا بعد ما نتفرج عليهم
المهم
حاولت مع نفسي اعرف سر الفارق الغريب ده
قلت يمكن فكرهم التدربيبي اعلى ......بس
مش احنا بنجيب مدربين اجانب
مش ميشيل ده درب منتخبات فرنسا
مش جوزيه درب دوري برتغالي
اوك نشوف سبب تاني
هو مش احنا عندنا مدربين لياقه و جيم زيهم
اوك يمكن المشكله بتبتدي من الناشئين
بس ثانيه ...... هو ريال مدريد طلع ناشىء واحد
ياريت حد يساعدني قبل ما التفكير يموتني
تابعنا السنة اللي فاتت البرسا مع العبقري النادر جوارديولا
راقبت الفريق اللي كرهني ف حياتي ده ( اصلي بكره البارسا )
ومش فاهم ايه الجديد اللي عمله الرجل بيب ده
هتقولي التمرير القصير
هقولك كل مدربين اوروبا بيطبقوا ده
هتقولي لعيبته حريفه ... هقولك ما كان الفريق واقع اخر سنتين مع ريكارد
ممكن لان الفريق بيرجع الكورة بسرعه
طيب ما اي فريق تاني بيحاول يعمل كده
ليه بالذات البرسا بيعرف يعملها
حد يفهمني دي كمان
و بعدين انا برشلونه خلاني اكره اتابع دوري ابطال
لاني بحب الميلان و للاسف واقع جامد و البرسا عالي اوي
ف مش ناقصه احرق دمي
نقطة اخرى
دوري الابطال الافريقي
لو تفتكروا سنه 2004 لما خسرنا من الهلال هنا
ده في رايي من اكتر الهزايم اللي ضيعت علينا تاريخ هقولك ليه
اولا ده كان فريق واقع و الدليل ان الهلال خرج من ال16 بعدها و احنا اصلا غسلناه رايح جاي
لو تفتكروا احنا بعدها عملنا الفريق الاسطوري اللي فاز بدوري 2004 ب 24 فوز و تعادلين
تخيلوا لو كان التيم ده كمل
البطوله دي 2004 كان فيها انيمبا و النجم و اديكو شفتوا عملنا ايه فيهم في 2005
الحمد لله راحت بطوله 2004 و دي ارادة ربنا
نرجع لبطوله 2009
نفس الشيء يتكرر بطوله سهلة ضاعت مننا
لاننا مديناش كانوبيلارس حجمه
و الملفت ان البطوله دي شهدت سقوط شبح النجم و سطوته ( بعد الاهلي ) على افريقيا
البطوله دلوقتي فيها
الهلال ضد مازيمبي
كانوبيلارس ضد هارتلاند
مين بتتمنى يفوز بيها و هل تشجع الهلال اللي بينتمي لوادي النيل و لا احداث 2007 افقدتك تعاطفك معاهم
حاجة مهمة كنت عايز الفت نظركوا ليها
كلكوا تقريبا عندكوا تحفظات على النظام في مصر
ظالم ..... مش بيراعينا ... بيسرقنا
بس في حاجه عايز اسالكوا فيها
مش الناس دي منا
هتقولي ما احنا كويسين
هقولك يا ابني شعب 75% منه مرتشي سواء موظف او امين شرطه
حتى المدرس مش بيشرح عشان الدروس
شعب بيسيب بناته يخرجوا ببناطيل ضيقة يمكن تلقط عريس
هانت عليك بنتك؟
طيب لو حد فيكو بقا ظابط
مش هيدوس عالناس باوسخ جزمه
يا جماعه لو كنا كويسين كان طلع من ظهرنا حكومه كويسة
يعني دي عقوبه ربنا لينا؟
ايوة انت دلوقتي فهمت
نقطة مهمة عايز اكلمكوا فيها
معظمنا هنا من فئة الشباب
و بنعاني عشان ناكل و مفيش شغل
في المقابل تجد ناس ملهومش اي قيمه علمية و لا تعبوا في دراسة و لا ليهم فايده للبلد و لا ليهم لازمه
بيلعبوا بالملايين زي الحبوب تامر حسني
كل اللي بيعملوا انه بيطلع يحضن فبناتنا على المسارح
و يطلعلوا اسبوعين شرم يتفسح و يصور فيلم
و بالتالي عنده هامر
طبعا ده من فلوسكوا يا غلابه
طيب في ايدنا ايه
كل اللي عليك لو عايز تكون راجل في نظر نفسك متفيدش الكائن ده باي حاجه تجيبلوا فلوس
يعني لو كنت بتسمعله ف عالاقل متحضرلوش حفله يكسب منها
و لا تشتريله شريط
و لا تدخله سينما ... و لو خلاص هتموت على افلامه ابقى نزلها من النت
انا بكره البني ادم ده لما يقول ربنا وفقني في مسيرتي الفنية
هو ياكائن انت ربنا بيوفق في الخراب ده و المعصية و السفور
يللا ساهم معايا في معاهدة تامر حسني ده لو كنت تستاهل البيريل اللي بتشربها
كل عام و انتو بخير
