أمى بتسلم عليكى وبتقولك لو سمحتى معندكيش كوبايه سكر
لحد منجيب التموين
هذه العباره كانت منذ زمن ليس ببعيد كانت بالقريب
منذ سنوات فقط ولكنها تلاشت الآن
عندما كنا فى مرحله الطفوله وكانت أمى ترسلنا
لجارتنا لنحضر من عندها أى شىء نقص عندنا
فجأه وجيراننا أيضا كانوا يفعلون مثلما نفعل
معنكيش طمطمتين أو بصلتين أو حبه ملح
أو راس ثوم أو شويه فلفل أسود
لاياجماعه أحنا مكناش شحاتين أنتو فهمتونى غلط
أصبروا شويه لما أكمل.
كانت زمان أيام جميله الجار لجاره فى أى وقت ولأى شىء
كانت الألفه تحيط بنا جميعا ولكن ماذا حدث الآن ؟
أين هذه الألفه الجميله ؟ أين الجار الراعى لجاره؟
أين كوب السكر بتاع زمان ؟
أختفى من حياتنا تماما كل ماهو جميل
لمــــــــــــــــــــاذا؟
هل من مجيب !!!!!!!!!!!
أصبحت حياتنا الآن أفضل مائه مره من ذى قبل
كانت بيوتنا فى السابق ثلاثه أدوار وفى كل دور شقتين
والكل يعرف بعضه جيدا يتزاورون ويتسامرون
ويتجمعون فى المناسبات الحلوه والمره
أما الآن
عمارات شاهقه كل أسره فى شقه لاتعرف من بجوارها
بل ويتبارون بفرد عضلاتهم على بعضهم البعض
أصبحت حياتنا الآن أفضل مائه مره من ذى قبل
كنا زمان لانملك مانملكه الآن تلفزيون واحد بالعماره كلها
وكنا نتجمع سويا فى بيت أبويا لمشاهده ماتش المنتخب
وكانت والدتى تقوم بأعداد الساندوتشات لأبناء جيرانها
وكلنا فى سعاده باللمه الحلوه وفوز مصر
أما الآن
صوت أحدث الأجهزه الألكترونيه خارج من كل شقه
غير مبالين بجيراننا هل يوجد مريض أو طالب علم
أو أو هل هذا ماوصانا به رسول الله ؟
من تغير ياأحبتى نحن أم الزمن ؟
هل من مجيب ؟
وفى النهايه أمى بتسلم عليكم وبتقولكم
معندكمش رغفين لحد منجيب الصبح
لكم تحياتى