طبعا عنوان التوبيك باين
بيت الرعب
بصراحه الفكرة عجبتنى
اننا هنجيب كل يوم عضو/ه
هنا فى بيت الرعب وكل اللى عليه انه هيجاوب ع الاسئله بس
ومش عايزين حد يخاف دى اسئه عاديه خاااالص
اللعبه ليها قوانين
1 _ اللعبه مفيهاش تراجع
يعنى مفيش عضو يجى يقولى انه مش هينفع يدخل
( ده اجبارى مش اختيارى )
طبعاًَ انا عاوز فريق مرعب معايا
عاوز حوالى خمس وحوش معايا
حيكونوا منكم طبعا
يالا عايز ترشيحات منكم
عشان اختار
وحتبقى زى فيلم
saw
عارفينه
المنشار المرعب اللى بيخطف ويعذب ورعب
ومفيش مانع انى اخطف عضوين مع بعض واربطهمـ
بجنزير فى التوبيك
واظبطلى كونبله
تنفجر لو مخلصوش
ههههههههههههههههههههههه
2_ مفيش حد يجى يقولى نغير الاسئله وخليك جرىء وجاوب
3_ الصراحه يعنى
يعنى محدش يبقى خايف ويقول انه مش خايف
هههههههههههههه
طبعا فى حاجات مسموح بيها
1_ صرخ زى م انت عايز
بس برضو مفيش اى تراجع
بس كفايه عليكوا كده
ندخل بقى ع الاسئله
طبعا كلنا عارفين ان الجن والعفاريت بتبقى حوالينا وبتبقى شيفانا بس احنا مش بنشوفها
1_ لو طلع لك عفريت في يوم هاتعمل ايه؟
2_ لو طلعلك عفريت هتعمل ايه ؟
3_ لو حسيت ان في عفريت موجود في المكان اللى انت فيه هاتعمل ايه؟
3_ لو حد قالك انك ملبوس هاتتصرف ازاي؟
4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟
5 _ لو فى يوم قومت من النوم ولاقيت اهلك مش موجودين فى البيت ونزلت الشارع م لقتش اى حركه فيه لا طيور ولا اى حد ماشى فيه خاااالص ايه هيبقى شعورك بقى ؟
6_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟
7_ لو وانت قاعد دلوقتي بتقرا الاسئله دي وبتبص في الشاشه اوي فجاءه ؟؟؟
8_ لو كنت فى البيت والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟
9_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟
10_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟
11_ اشتريت عربيه وطلع ان واحد كان مقتول فيها؟
12_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟
13_ قالولك ان البيت ده مسكون تعالا ندخله هاتدخل ولا لا؟
14_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وابواب بتتقفل وتتفتح وفجاءه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟
15_ احكي لنا عن موقف مع العفاريت حصل لك وعمرك ماتنساه؟
16_ شفت حد ملبوس قبل كده؟
17_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟
18_ تقدر تروح بيت مسكون وتقعد فيه لوحدك يوم كامل؟
19_ سمعت قبل كده اصوات خوفتك ؟ امتي ؟ وفين؟
20_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
21_ تقدر تروح الاماكن دي بالليل لوحدك ومن غير اى وسيله اتصال بالناس :_
1_ المقابر
2_ جبل في منطقة بعيده
3_ تبقي في مركب في عرض البحر
22 _ لو طلعلك الراجل اللى فى فيلم saw هتعمل ايه ؟؟
ولو فى حد مش عارف الفيلم
دى صوره من الفيلم واللى بيعمله فى الناس
23_ ايه اكتر فيلم رعب بتحبه؟
24_ ايه رايك في الصوره دي
25_ انت خواف بنسبه كام في الميه؟
يارب الفكره تعجبكم
