حب مصر مش زى اى حب ف نظرى وكتيييييييييير من الناس بيحبوا مصر بس مش عارفين ازاى الحب دة اتوجد او ازاى يعبروا عنة لو اتوجد وحسوا بية انا عندى شوية اختراعات ممكن تعرف الناس ازاى يحسوا بحب مصر:
انا مثلا بحس بحب مصر لما اسمع اغانى الملك محمد منير القديمة زى اغنيةحدوتة مصرية واغنية بلاد طيبا مع انوشكا واغنية اسمينا . الاغانى دى بتخلى الواحد يبكى بجد من قلبة لما يسمعها واحد هيقولى انا لما باسمع الكلام دة مبيحوقش فية اشمعنى هو انا يعنى معنديش احساس وانتى البنت الحساسة موت اقولة لا بس كل واحد مننا عندة نقطة ضعف قدام شىء معين بيخلية يحس بية وانا نقطة ضعفى ف حب بلدى اغانى محمد منير وممكن واحد تانى تكون نقطة ضعفة انة يبعد عن مصر ويهاجر وكل مايحصلة موقف جامدد فى الغربة هيحس بحب مصر وواحد تانى ممكن يحس بحب مصرلما يبص للنيل وللسما ساعة العصر وللمراكب الشراعية الجميلة وياسلااااااااااااام لو كان المنظر دة ف اسوان انا باسمى اسوان جنة مصر مع انى رحتها مرة واحة بس لسة صورة نيلها وسماها فى خيالى