طبعا كلنا عارفين السفاح(مش معرفه شخصيه يعنى) اقصد يعنى سمعنا عنه كلنا واقربها
سفاح المعادى ده
بس الجديد بقى ان السفاح ده اللى مش عاجبنا طلع ليه
فوايد
اه وربنا.. مش مصدقين طبعا..
اوكى انا هاثبتلكم..
ناخد نفس
عميق ونبدا ونقول ايه هيا الفوايد السبعه للسفاح؟؟؟
اولا:: السفاح
هيساعد على الرجووع الى عادات و تقاليد حميدة .. كأن يكون كل مواطن فى بيته من
الساعة 6 المغرب ليتمتع بجو عائلى هادىء دافىء بين احضان اسرته :
ثانيا .. السفاح يساعد على تحفيز كافة مهاراتك القتالية و دقةالملاحظة
و بعد فترة تصبح عنيك فى وسط راسك: فتستطيع ان ترى فى جميع الاتجاهات دون
ان تضطر ان تمشى وتبص وراك تقوم تتخبط بالسفاح فوشك
ثالثا::
السفااح يقوى رووح الترابط بين المواطنين:. فكل مواطن لن يغمض له جفن الا
و يزور او يطمئن تليفونيا على اقاربه اذا كان السفااح قتلهم ام انه فى الطريق الى
ذلك
رابعا:: السفااح يساعد على انتاج الاسلحة الحربية فكل مواطن بعد
كده لازم يمشى ومعاه مدفع رشاش او مسدس او صاروخ سكود عشان اول ما السفاح يطلع يروح
جايب اجله والبادى اظلم
خامسا:: فى حالة قبضك على السفاح
وتسليمه للشرطة تربح 500 جنيه عدا و نقدا ودى فرصه لاتعوض حيث اننا فى ايام غبره
ومحدش لاقى العيش الحااف
احمدوا ربنا و بطلوا ماديه:
سادسا
::السفااح يسااعد على تقهقر ظااهرة التكدس فى المواصلاات( حلوة تقهقر دى ) فكل
مواطن خايف على عمره لن يجرؤ على ركووب اتوبيس مزدحم فيصادفه فيه السفااح فيجهز
عليه: و بالتالى سيعود النشاط لابناء الفراعنه: من جديد فيذهبون الى
اعمالهم سيرا على الاقدام
( يادوب يمضوا و يرجعوا لانهم هيوصلو على معاد
الخروج يادوب
سابعا :وده اهم بند وهو متقولشى ايه اديتنا
مصر و قول هندى ايه لمصر .. طبعا هنديها السفااح ودى تعتبر الفائدة الكبرى للسفاح
حيث انه ينمى فى القلوب حب الوطن و زى محنا عارفيين حب الوطن فرض عليا افديه بروحى
و عنيااا
اظن بعد فوايد السفااح دى كلها لازم نعمله تمثال
