اشهر جمل بيقولها الاب والام فى مصر ........ههههههههه
امشى جاتك مشش فى ركبك .
* جتها نيلة الى عايزة خلف تيجى تتفرج (نفسي اعرف تتفرج علي ايه )
*ذاكر ياموكوس مش فالح غير فى الهيافه والكلام الفاضى و هو احنا ورانا غيرهم .
* ربنا يرزقك بعيل يوريك اللي ورتهوني.
* هات كيس عيش وانت راجع.
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
*لما ما ترضاش تاكل في البيت:طبعا مانت اتعودت علي اكل بره .
*ياريتك تحفظ دروسك زى مانت حافظ الاغانى( هكلمهولك )
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* انته مبتكلش جزر ليه .. اجيبلك برتقانه. طب كل سلطه لازم طول ما انا قاعد اكل لحد ما الواحد خلاص هيفرقع من جنابه
* يبني بأسلوبك ده مش هتعيش معاك واحده ( مش لازم )
* قومي ساعدي امك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه
* يا ابني حرام عليك الى بتعمله فينا ده( د بقي بتتقال اكتر ما بيندهولنا )
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* المسلسل مش هينفعك ...قوم .
*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.
* كفايه رغي في التليفونات ( دي بقي ان الي بقولها لواحده صحبتي في المعهد )
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر ولا و خش اوضتك ( غاويين رخامه مش عارف ليه ).
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
* افرد ظهرك .
* لم شراباتك.
* ماتكلش فى ضوفرك.
* كنت فين لحد دلوقتى يا صايع( عند عم شنكليح بتاع المراجيح )
* ماتتأخرش علشان عندك كلية بكرة بدرى.
* انا مش عارف انته طالع لمين.
* انا : ياماما بقه ايه ده ؟؟؟
ماما:مووو لمـا يــــــخدك .
* ادلعى ياهبة فى ايامك المهببة .
* ده منظر اودة بني آدم ، انت عايش فيها ازاي ( محسسني ان انا هتجوز القوضه )
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* البس فنله قطن تحت ودفي سدرك ودخل التيشرت في بنطلون البيجامه وانته نايم .
* يأبنى المذاكره مابتخلص .... نفسى اشوفك مره ماسك كتاب (هههههههههه مش هيحصل سوري )
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .
و امشي جوا الحيط
* احمد ربنا الاكل الى مش عجبك ده فى ناس مش لقينه .
* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
* قومي سخني الأكل لأخوكي.
* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .
* ومن اشهر الجمل الى بتتقال كل يوم بعد الاكل :
انا مش الخدامه اللي اشترهالكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* و أخيرا ::
ضرب امثلة تشجع على الكفاح و أشهرها أحد الأقارب اللي كان بيذاكر على لمبة
جاز أو على عامود النور الي في الشارع و نجح وخد الدكتوراه وسافر أمريكا "
ٌٌقال يعنى كان بيعرف يركز والناس ماشيه حوليه فى الشارع"
يا رب يكون التوبيك عجبكم و لو انا نسيت حاجه يا ريت تكملوها انتم
مع حبي و تقديري لكل ولي امر طبعا
lمنقول[center]
