ايوه محتاجلك

ايوه انا محتاجلك
وباندهلك
قربى لقلبى
المجروح
مشتاقلك
ومحتاج افضفضلك
واشكيلك
نفسى
واشيلك همى
وابعتلك
من جوايا
اهه من وجعى
تسرسبلك
دموع ماهى راضيه
تنزل
علشان تغزل
توب الالم من تانى
طب والله محتاجلك
ومش هاكبر
واخبى
الم الشوق
لقعدتنا
وضحكتنا
وخناقتنا
على الفاضى وعلى
المليان
على يوم من زمان
ياريتنى اقدرعلى النسيان
وقعده تحت شجره الرمان
يتلغى فيها العقل
وافتكر فيها
بس انى
انسان
لملمينى
واشترينى
لانى اخاف يجيلى بكره
ومش هتلاقينى
جايز انا الغلطان
احتمال اكون ندمان
ويمكن لو رجعتى
اعود انا للامان