تعرف تتكلم غربــــى؟ وتزود همى وكربـــى؟
وتلوح صوتك أفرنجى؟ وحياتك مسخ اوروبى؟
يبقه انت اكيد العربى
تعرف تستنكر جامـــد؟ وتهيص واقــف قاعـــد؟
وتغمى عيونك خالص؟ بين انك مش حاسس؟
يبقه انت أكيد العربى
تبعت وتجيب فى مبادره وآراء دايما متصادره
تعمل لك قمه مريحــــه بتشع بأعفن ريحـــه
يبقه انت أكيد العربى
تحرق فى رموز أجدادك بقه بوش وبلير أسيادك
وتبيع فى أخـوك وولادك وتغير جلدك دوغــــرى؟
يبقه أنت اكيد العربى
جعجع واتكلــم وانبــر واكدب .. هيص او افشر
اشجب..بغبغ..استنكر واعمل نفسـك متأثـــــر
يبقه انت اكيد العربى
لاتجيب ولا يوم هتودى عايش فى الحلم الابدى
وشارون بيطبـــل وانت عالواحده بترقص بلــدى
يبقه انت اكيد العربى
اشجــب..ندد..ماتونـــش وانت فى الأصل مطنش
دا القهرفى مخك عشش ان ندا وطنـــك ماتردش
يبقه انت اكيد العربى
عامل نفسك مش شايف وتغنى انك مش خايــــف
مع انك كائــــن هايـــــف بالونه.. عليها شفايــــــف
يبقه انت اكيد العربى
فالح تضرب ف اخواتك وتغنـــى سيـرة أمواتـــك
والجبن أهم سماتـــك وحيــــاة الذل حياتـــــــك
يبقه انت اكيد العربى
ومالكشى أيها قيمه ولا ناف حتى فى سيمــــا
وانت فى ضمير العالم يادوبك حاجـــه قديمـــــه
يبقه انت أكيد العربى
تعمل طوابير تستعرض وتغنى ف ندوه ومعــــرض
والعـــــــالم شافك زود فى كلامه ...وقال متعـــود
يبقه انت اكيد العربى
كل واشرب واسكر طينه فاكر كام مره صحينــــــــا
على ناس بتدوس أهالينا سرقوا حـتى حكاوينـــــــا
يبقه انت أكيد العربى
حسـك عينــك تتكلـــــم افضــــل تنـــح واتبلــــــم
احضن أعدائك...سلــــم واشنق ولدك واستسلـــم
يبقه انت أكيد العربى
عمال تلحس فى كلامك ومصدق جهل علامــــــك
عمال تجرى لى قوامك على وعد يهودى اوروبى
يبقه انت أكيد العربى
والله لو كــان بايديـــــا ومالكش يميــن عليــــــــا
لو كان الأمــر بايــــدى لاتبرى مـن الجنسيـــــــه
أصلى...للأسف أنا عربى
